- 38 -

1283, Juli 25. Breslau.

Herzog Heinrich urkundet über die käufliche Erwerbung von Taschenberg oder Lencawice von Seiten des Klosters.

In nomine domini amen. Quoniam ea, que per noticiam principum in publica monumenta deveniunt, perpetuam obtinent firmitatem, nos Henricus dei gracia dux Slesie et dominus Wratizlaviensis presentibus profitemur, quod constituti in nostra presencia Iesco et Dirsco fratres dicti de Bycen filii quondam comitis Dyrizlai hereditatem, que vulgariter Tachsscheberc (!) vel Lencawice nuncupatur, quam ad suum ius suamque proprietatem asserebant iure veri dominii pertinere, vendiderunt, cesserunt et tradiderunt religiosis viris, fratri Conrado abbati et monachis de Kamenz Cysterciensis ordinis, pro centum et triginta marcis nostri Wratizl. ponderis et argenti cum omni iure et iurisdictione, pratis, pascuis, silvis, saltibus, mollendinis, omnique dominio et districtu, que in predicte hereditatis terminos (!) includuntur, prout ab ipsis venditoribus hactenus est possessa et sicut per circuitores a nobis ad utriusque partis instanciam deputatos rationabiliter extitit limitata. Cuius limitationis ordo talis est: prima distinctio debet incipere in antiquis metis infra, claustrum in fluvio Niza, qui fluit per ipsum claustrum, ita quod ipsa ripa dicti fluvii cum aqua, que communis debet esse, sint termini inter bona claustri et bona illorum de Bycen usque ad locum, ubi subterfluit illa aqua, que sub monte, qui dicitur Zram, descendit in ipsam Nizam, que scilicet aqua cum utraque ripa usque ad mollendinum domus de Kamenz in hereditatem cedet. Promiserunt insuper venditores predicti pro Moycone fratre ipsorum absente, quod idem Moyco reversus ad propria contractum per ipsos taliter celebratum ratificabit in omnibus nec unquam tempore retractabit. Si tamen eundem Moyconem venditioni predicte contigeret in casum aliquem dissentire, tunc predicti venditores civitatem nostram Wratizlaviam ex predicto teneantur intrare nec ab illa exire debeant ullomodo sed ibi remaneant secundum ius et consuetudinem, que vulgariter dicitur "inriten", ita tamen, quod si alterum ipsorum ex necessitate contingat abesse, alter semper in civitate remaneat, prout superius est expressum. Nos itaque predictam venditionem ratam habentes et gratam ipsam presentibus confirmamus factaque nobis a venditoribus hereditatis predicte resignatione plenaria ipsum abbatem monasterii sui nomine investivimus de eadem. In cuius rei testimonium presentem litteram nostro sigillo duximus confirmandam. Actum Wratizlavie anno domini M°. CC°. LXXXIII° presentibus Henrico pincerna de Apold, Conrado pincerna, Ekerico de Wlmsteyn, Jarozlao castellano in Wartenberc, Sigehardo subvenatore, Henrico Schamborowiz et aliis fidedignis. Datum per manus Ludwici notarii nostre curie in die beati Iacobi apostoli.

Or. Perg. Herzog Heinrich's (IV.) älteres S., am Rande beschädigt, mit dem schön erhaltenen Sekretsiegel, an grünseidnen Fäden. Pfotenhauer, Siegel S. 2 u. 3 (A. II, 2 u. 8). Regesten No. 1753.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.